ЖОО грантына түскендердің тізімі қашан жарияланатыны белгілі болды
13-20 шілде аралығында абитуриенттер мемлекеттік білім беру грантын тағайындау конкурсына құжат тапсыра алады, деп хабарлайды Azattyq Ruhy.Бұл туралы Орталық коммуникациялар қызметі алаңында өткен жиында Ғылым және жоғары білім министрлігінің Жоғары және жоғары оқу орнынан кейінгі білім департаментінің директоры Гүлжан Жарасова мәлімдеді.
Оның айтуынша, 2023 жылға 88 мыңнан астам мемлекеттік грант бөлінген.
«Биыл былтырғы жылмен салыстырғанда грант саны 16 мыңға көп. Ереже бойынша грантқа іліккендердің тізімі 10 тамызға дейін жарияланады. Жыл сайын оқушыларға ЖОО-ның білім грантына және ақылы негізде оқуға мүмкіндік артып келеді. Мысалы, былтыр грант саны 54 мың болды. Сонымен қатар, жергілікті атқарушы органдардың грантына ие болу мүмкіндігі де қарастырылғанын айта кетейін. Бұл жерде мамандықтардың сұранысына қатысты грант бөлінеді», - деді Г. Жарасова.
