Қазалылықтар референдумда белсенді
Қандай да бір шарада бірлігі бекем қазалылықтар референдумда да белсенді. Таңғы жетіден бастап әркім өз дауыс беру учаскесіне ағылуда. Әсіресе, ұжым болып ыждағаттылық танытып жүргендері көп. Жер несібесін терген егіншілер де осы сапта.Маңызды күні бар шаруасын ысырып, ел болашағын өзгертуде өз таңдауын білдіру - азаматтық ұстаным. Айтпақшы, таңмен таласа алғашқылардың бірі болып өз учаскесіне жеткен медицина саласының ардагері Сержанқожа ақсақал Берденұлы мемлекет дамуында референдумның маңызы жоғары екенін айтқан еді.
Қазір Қазалы Ауданының өзінде 40 дауыс беру учаскесі жұмыс істеуде. 46 мыңнан астам дауыс беруші тіркелген.
#қазалы
