Ұлы Отан соғысы ардагерлеріне құрмет көрсетілді
Жеңіс күні – ұлы мереке, Отанын қорғаған жауынгердің асқақ айбыны, тылдағы Жеңісті жақындатқан жұмысшылардың ерен еңбектерінің жемісі. Бүгінгі бейбіт өмірде алаңсыз ғұмыр кешуіміз де ата- бабаларымыздың ерлігінің арқасы.Осы орайда бүгін, Ұлы Отан соғысындағы Жеңістің 77-жылдық мерекесі қарсаңында, «AMANAT» партиясының «Ардагерлерді ардақтайық» жобасы аясында, аудандық партия филиалының Атқарушы хатшысы Нұрғиса Жалғасбаев және аудандық мәслихат хатшысы Бақтыжан Жарылқап Жеңіс күнімен құттықтау үшін Ұлы Отан соғысының ардагерлері Тілеуберген Тобаберген және Қабақ Смағұл ақсақалдардың отбасында болды.
Кездесу барысында халық жадынан ешқашан өшпейтін, адамзат үшін жасаған баға жетпес ерліктері үшін ардагерлерге алғыс айтылып, мерекелік құттықтау хат пен себеттер табысталып, сый-құрмет көрсетілді.
Өз кезегінде, ардагерлер майдандастарының соғыста жасаған ерліктерін еске алып, ұлағат өсиеттерін айтып, ақ баталарын берді.
#AMANAT
