Қазалыда 21 мың түп ағаш көшеті отырғызылды

14 сәуір - облыстық ағаш отырғызу акциясы Қазалы ауданында кең көлемде ұйымдастырылды.

Қоршаған ортаны көгалдандыруды басты мақсат еткен шара аудан тұрғындары тарапынан үлкен қолдау тапты. Сенбілікке мектеп ұстаздары, балабақша қызметкерлері, студент жастар, дәрігерлер, ардагерлер мен мешіт қызметкерлері белсенді қатысты.

Жалпы, қала, кент, ауылдық округтерде барлығы 21 мың түп ағаш көшеттері егілді. Оның 4300-і түрлі жеміс ағаштары.