16 наурызда Президент көптен күткен саяси реформаларды жариялайды
Мәжіліс Төрағасы Ерлан Қошанов Парламент палаталарының бірлескен отырысын шақыру туралы өкімге қол қойды.Жиын 16 наурыз күні өтеді, деп хабарлайды Экспресс К.
"Қазақстан Республикасы Конституциясының 58-бабы 4-тармағының 2) тармақшасына сәйкес, Қазақстан Республикасы Парламенті палаталарының бірлескен отырысы 2022 жылғы 16 наурызда, сағат 11-де Нұр-Сұлтан қаласында шақырылсын", — деп жазылған өкімде.
Бұған дейін Президент Қасым-Жомарт Тоқаев 16 наурызда халыққа жолдауын жасайтынын айтқан еді. Жолдауда жаңа саяси реформалар туралы, Қазақстанның алдағы даму жоспарлары қамтылмақ.
