Pfizer вакцинасын алатын адамдардың санаты кеңейтілді
Қазақстанда Pfizer вакцинасын алатын адамдардың санаты кеңейтілді, деп хабарлайды Altaynews.Бұл туралы коронавирустық инфекцияны таратпау жөніндегі ведомствоаралық комиссияның кезекті отырысында Денсаулық сақтау министрі Ажар Ғиният мәлім етті.
Айтуынша, 50 жастан асқан адамдарды ревакцинациялау үшін вакциналық препараттардың барлық түрлері, соның ішінде Pfizer қолжетімді болады. Pfizer вакцинациясына мүмкіндігі шектеулі адамдарға рұқсат етіледі - бұл бірінші, екінші және үшінші топтағы мүгедектер.
Pfizer вакцинасы екпенің бастапқы курсын аяқтау үшін "Комирнати" препаратының (Пфайзер) бірінші дозасын шетелде алған адамдарға салынады.
Айта кетсек, "Комирнати" (Пфайзер) препараты: 12 жастан 18 жасқа дейінгі жасөспірімдерге, жүкті әйелдерге (жүктіліктің 16-дан 37-аптасына дейіy), лактация кезеңіндегі әйелдерге (бала 2 жасқа толғанға дейін), сондай-ақ, босанғаннан кейінгі кезең аяқталған соң (42 күннен кейін) салынады.
