Қазақстанның бірнеше аймағында дабылды ескерту жарияланды
6 cәуірге дейін су тасқынының қаупі Алматы қаласы мен Қазақстанның 11: Ақмола, Ақтөбе, Қостанай, Солтүстік Қазақстан, Павлодар, Шығыс Қазақстан, Батыс Қазақстан, Жамбыл, Қызылорда, Оңтүстік Қазақстан облыстарында сақталады, деп хабарлайды Baq.kz ақпарат агенттігі Қизгидромет сайтына сілтеме жасап.
Қазгидромет өзендердегі су деңгейінің көтерілу қаупі және су тасқыны мүмкіндігі туралы мүдделі мемлекеттік органдарды, ТЖ қызметтері мен халықты хабардар етіп, уақытылы дауылдық ескерту шығарды.
Көптеген облыстағы су тасқынының қаупі температуралық фонның көтерілуіне, қардың бірте-бірте еруіне және мұз құбылыстарының әлсіреуіне байланысты болуда.
Қазақстанның оңтүстігінде су деңгейінің көтерілуі температуралық фонның көтерілуімен және кей жердегі қатты жауын-шашын болжамының әсерінен болып отыр.
Павлодар облысында температураның көтерілуінен басқа, өзендердің алқаптық учаскелеріндегі су деңгейінің көтерілуі және су басу қаупі - Шүлбі су қоймасындағы шығарындылардың артуына байланысты болып отыр.
