Бұл туралы бүгін өткен Үкімет отырысында Денсаулық сақтау министрі Ажар Ғиният хабарлады. Ол қайта екпе салу үшін қандай вакциналар қолданылып жатқанына тоқталды.  

Қазіргі уақытта халықтың барлық топтарын ревакцинациялау үшін «Синофарм» және «Казвак» вакциналары салынып жатыр. 60 жастан асқан адамдар, жүкті әйелдер мен медицина қызметкерлері үшін «Пфайзер» Комирнати вакцинасы қолданылуда, - деп атап өтті Денсаулық сақтау министрі.

Министрлік ревакцинациялау үшін «Казвак», «Синофарм» және «Комирнати» («Пфайзер»)  вакциналарын қосымша сатып алуды жоспарлап отыр. Сондай-ақ қаңтар айының соңына дейін «Спутник Лайт» вакцинасының 150 мың дозасы жеткізілетін болады, - деді еліміздің бас дәрігері.