Қызылорда облысында ландшафттарды қалпына келтіру іске асырылады
Бүгін аудан әкімі Мұхтар Оразбаев «Қазақстан Республикасындағы ландшафттарды қалпына келтіру» жобасын іске асыру тобының жетекшісі Ерлан Мұратов және облыстық табиғи ресурстар және табиғат пайдалануды реттеу басқармасы басшысының орынбасары Қайрат Жансұлтанұлын қабылдады.Қабылдауда биыл экология, геология және табиғи ресурстар министрі мен халықаралық қайта құру және даму банкінің тұрақты өкілі арасында «Қазақстан Республикасындағы ландшафттарды қалпына келтіру» жобасын іске асыру туралы келісімге келгені сөз болды.
Жоба орман шаруашылығын дамыту мәселелерін, сондай-ақ фермерлермен және жергілікті қоғамдастықтармен тозған жерлерді орман өсіру арқылы қалпына келтіру жөніндегі жұмыстарды көздейді. Бұл жұмыстар Қызылорда, Жамбыл және Түркістан облыстарының аумақтарында жүзеге асырылады.
Жоба 2021-2025 жылдар аралығында жүзеге асырылады.
Аталған жоба аясында Қызылорда облысында төмендегідей іс-шаралар жүргізіледі.
1.Қазалы орман мекемесінің аумағында орман питомнигін құру;
2.Қызылорда қаласының айналасында Жасыл аймақ құру;
3.Қызылорда қаласының жасыл белдеуінде агроорман шаруашылығының үш модульдік учаскесін құру;
4.Арал теңізінің құрғаған ұлтанындағы алқапта орман қорының жерлерін картаға түсіру;
5.Арал теңізінің құрғаған түбінде орман мелиоративтік екпелер отырғызуға арналған алаңдарды іріктеу үшін жобалау-іздестіру жұмыстарын жүргізу;
6.Орман және жануарлар дүниесін қорғау жөніндегі мемлекеттік мекемелерінің техникалық жарақтандыру бағытында жұмыстар атқарылатын болады.
Кездесу соңында аудан әкімі Мұхтар Оразбаев «Қазақстан Республикасындағы ландшафттарды қалпына келтіру» жобасын іске асыру тобының жұмысына сәттілік тіледі.
"ҚАЗАЛЫ" ақпарат
