Тығырықтан шығар жол
Жыл сайынғы Жолдаудың ел дамуы жолындағы маңыздылығы орасан екені айтпаса да белгілі. Мемлекет басшысы Қасым-Жомарт Тоқаев тарихи құжатта елдің ертеңіне тигізер пайдасы зор тақырыптарға тоқталып өтті.Қордаланған мәселелердің күрмеуін шешудің нақты жолдарын ұсына білген Жолдауда қазір қоғамға ауыр тиіп отырған инфляция тақырыбы да назардан тыс қалмады.
Қазіргі қиын кезеңде Ұлттық қор мен Үкіметті инфляцияны 6-4 процент дəлізіне қайтаруға міндеттеп, мәселенің нақты шешімін ортаға салды.
Сондай-ақ, ол Ұлттық қордың активтерін қалпына келтіру үшін бюджеттік ережеге көшуді жеделдетуді тапсырды. Бұл Жолдауда айтылған бастамалардың бір парасы ғана. Алдағы уақытта халық пен билік бірлесе отырып, Президент айқындап берген бағыт-бағдар бойынша сапалы жұмыс атқаратын болсақ, дамудың даңғыл жолына түскен жасампаз мемлекеттің əрбір тұрғынын бақытты, бақуатты ете алатынымызға сенімім мол.
Шынар ЖЕҢСІКБАЕВА,
“Шапағат” балаларды сауықтыру
орталығының директоры
