Электр энергиясын тұтынушы абоненттерге ескертіледі
Қазалы ауданы әкімдігінің баспасөз орталығында «Теміржолэнерго» ЖШС-нан электр энергиясын тұтынушы абоненттерді «Дәулет –Энерго» ЖШС-нің пайдалануына беру жұмыстарының барысы туралы брифинг болып өтті.Брифингте Қазалы электрмен жабдықтау мекемесі басшысының орынбасары Дінахметов Ғалым Амангелдіұлы Әйтеке би кентінің тұрғындарына Қазалы электрмен жабдықтау мекемесінің атынан электр энергиясын пайдаланып отырған «Энергопром» мекемесінің өз жұмысын тоқтатуына байланысты 2021 жылдың 13 шілдесінен бастап «Теміржолэнерго» ЖШС-нан электр энергиясын алып отырған тұрғындар енді «Дәулет-Энерго» ЖШС-ның қызмет көрсетуіне ауысқанын хабарлады.
Қазіргі таңда 1313 абонент 2021 жылдың 13 шілдесінен бастап «Дәулет-Энерго» ЖШС-нің абоненттері ретінде қайта келісімшартқа отырып, пайдалану мөлшеріне қарай төлем жасайды.
Қазіргі таңда 800 тұрғын толық келісімшартқа отырып, 600 тұрғынға түсіндірме жұмыстары жүргізілуде.
Тұрғындар назарына қайта келісімшарт жасауды 2021 жылдың 15 қыркүйегіне дейін аяқтау ескертіледі.
«Дәулет-Энерго» мекемесінің өкілі Сұлтанов Есенай Алманұлы тұрғындарды енгізілген өзгерістермен таныстырып өтті.
Бұрын кент тұрғындары электр энергиясы ақысын 24 теңгеден төлем жасаса, жаңа келісімшартқа сай 1 деңгей – 19.13 тг, 2 деңгей – 23,44 тг, 3 деңгей – 29,30 тг төлемақы жасай алады.
"ҚАЗАЛЫ" ақпарат
