Балалардың қауіпсіздігі – басты назарда
Жыл басынан бері облыс көлемінде балалар арасында 9 оқыс оқиға тіркелді. Оның ішінде 8 жағдай Қызылорда қаласында орын алса, 1 дерек Шиелі ауданына тиесілі. Салдарынан 2-6 жас аралығындағы 7 бала зардап шегіп, 2 бүлдіршін қаза болған. Бұл туралы Өңірлік коммуникациялар қызметінің ақпарат алаңында облыстық төтенше жағдайлар департаменті басшысының орынбасары Саид Молдақараев мәлімдеді.«Балалардың терезеден құлау фактісінің басты себебі ата-аналардың балаларды қараусыз қалдыруы. Мұндай жағдайлардың алдын-алу мақсатында мамыр айында «Балалардың қауіпсіздігі» тақырыбында акция өткізілді. Акция аясында 35 жағдайы төмен, көп балалы отбасыларына терезе ашылуын шектететін блокиратор орнатылды. Сонымен қатар Қызылорда қаласы және жақын орналасқан елді мекендерге орнатылған дабылды-дауыс зорайтқыш қондырғысымен күнделікті сағат 11:00 және 19:00-де көпқабатты тұрғын үйлерге жақын орналасқан 10 нысан арқылы «Көп қабатты тұрғын үйлердегі балалардың қауіпсіздігі» тақырыбында құлақтандыру жұмыстары жүргізілуде», – деді Саид Шазындаұлы.
«ҚАЗАЛЫ» ақпарат
