Коронавирус және пневмония: тағы 152 адам қайтыс болды
Қазақстанда 13 тамызда бір тәулікте коронавирус пен пневмониядан 152 адам қайтыс болды, - деп хабарлайды Tengrinews.kz.Қайтыс болған 120 адамның ПТР сынамасы оң (КВИ+) болған, 32 адам COVID-19 белгілері бар пневмониядан қайтыс болды.
15 тамыздағы мәлімет бойынша, жалпы 117 807 адам коронавирус инфекциясынан (113 092 КВИ+ және 4 715 КВИ-) емделіп жатыр, олардың ішінде:
- 31 557 пациент стационарда,
- 86 250 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
- 1 928 адамның жағдайы ауыр,
- 472 пациенттің жағдайы өте ауыр,
- 234 науқас жасанды тыныс алдыру аппаратында жатыр.
2021 жылғы 14 тамызда Қазақстанда коронавирус инфекциясына қарсы вакцинаның бірінші компонентін 6 074 583 адам, екінші компонентін 4 700 091 адам салдырды.
