Қазалы Qazaly.kz ақпараттық агенттігі
» » Әйтеке би кентіндегі 13 көшеге ағымдағы жөндеу жұмыстары жүргізілуде

Әйтеке би кентіндегі 13 көшеге ағымдағы жөндеу жұмыстары жүргізілуде

Жақында Әйтеке би кентіндегі 13 көшеге ағымдағы жөндеу жұмыстары басталды. Жөндеу жұмыстарын «Сыр маржаны и К» ЖШС-ның жұмысшылары жүргізуде.

Бүгін аудан әкімі Мұхтар Оразбаев ағымдағы жөндеу жұмыстары жүргізіліп жатқан Төремұрат жырау және О.Жанәділов көшелеріне барып, атқарылып жатқан жұмыстармен танысты.
Аудан басшысына Әйтеке би кенті әкімінің орынбасары Дархан Алпысбаев бюджеттен бөлінген қаржыға Төремұрат жырау, О.Жанәділов, Р.Сабырбаев, Қ.Пірімов, Әйтеке би, Бекарыстан би, Ғ.Мұратбаев, Үмбет би, Достық, Желтоқсан, Қарасақал Ерімбет, Я.Михайлюк, М.Шоқай көшелеріндегі 1964 шаршы метр автожолға ағымдағы жөндеу жұмыстары басталғанын жеткізді.


Аудан басшысы сонымен қатар Дәулеткерей көшесіне де соғып, асфальттау жұмысының барысымен танысты. Ұзындығы 1,5 шақырым болатын көшені асфальттау жұмыстарын «Әбу Жүсіп» ЖШС жүргізіп жатыр.
Аудан әкімі Мұхтар Оразбаев тиісті сала басшыларына Әйтеке би кентіндегі көшелерді жөндеу жұмыстарын сапалы әрі уақытылы аяқтауды тапсырды.
"ҚАЗАЛЫ" ақпарат
31 шілде 2021 ж. 406 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031