Ертеңге сенім мол
Халықтың саяси науқанға деген ынтасы жоғары. Әркім өзінің қалаған кандидатына дауыс береді. Жалпы Ғ.Мұратбаев ауылы Сыр өңіріне белгілі киелі де, берекелі мекен.Мұндағы адамдар өте еңбекқор мал шаруашылығымен қатар егін шаруашылығымен де айналысады. Тұрғындар тарапынан ұсынылған ұсыныс пен мәселелер уақытылы іске асырылуда. Өткен жылы көгілдір отын игілігін көрдік. Аяқсу мен ауызсу түйіткілдері оңтайлы шешілген. Көше бойына жарықшамдар қойылып, автожол асфальтталды. Бүгінде ауыл азаматтарын мазалап жүрген айтарлықтай мәселе жоқ. Енді осы тұрғындардың таңдауымен сайланған әкім бұдан әрі ауылды гүлдендіретініне сенемін. Сайлауға атсалысып жатқан халықтың ауызбіршілігіне ризамын. Барлығы біркісідей қатысып, қалыс қалмай сүбелі үлес қосуына шақырамын.
Дәстен ІДІРОВ,
жергілікті қоғамдық кеңес төрағасы
