Қазақстанда коронавирустан қайтыс болғандар саны көбейді
Елімізде 39 619 адам коронавирус инфекциясынан емделіп жатырДенсаулық сақтау министрлігі коронавирус пен COVID-19 белгілері бар пневмониядан қайтыс болғандар статистикасын жаңартты.Коронавирустан 38 науқас, COVID-19 белгілері бар пневмониядан үш қазақстандық көз жұмды.
11 шілдедегі мәлімет бойынша 39 619 адам коронавирус инфекциясынан (38 171 КВИ+ және 1 448 КВИ-) емделуде, олардың ішінде 12 910 пациент стационарда, 26 709 науқас амбулаториялық деңгейде ем қабылдауда.
КВИ+, КВИ- шалдыққандардың арасында:
795 адамның жағдайы ауыр,
175 пациенттің жағдайы өте ауыр,
102 науқас жасанды тыныс алдырту аппаратына қосылған.
Пандемия басталғалы республикада коронавирус инфекциясын 454 825 қазақстандық жұқтырды.
