Бала отырған көлікте темекі тартқан азаматтарға айыппұл салынады
Айыппұл көлемі 15 айлық есептік көрсеткіш не 43 755 теңгеге тең.Сенат депутаттары дәл осындай шектеу жазылған заңға қол қойды. Ал мұндай айыппұлды бұрынғыдай жол полицейлері емес учаскелік полиция қызметкерлері сала береді, деп хабарлады informburo.kz.
Учаскелік полиция қызметкерлері кәмелетке толмағандардың түнгі уақытта ойын-сауық мекемелерінде жүруі мен көлік құралдарының қозғалысына қасақана кедергі жасауын да бақылауға алады. Сенаторлар бұл жаңашылдық, әсіресе ауылдық жерлерге қатысты екенін айтты. Өйткені елді мекендерде заң бұзғандарды орталыққа жеткізудің өзіне біршама уақыт кетеді.
Сондықтан айыппұл салу құзыреті берілген учаскелік полиция қолдағы бар дәлелдерімен әкімшілік хаттама толтыра алады. Ал айыппұл көлемі 15 айлық есептік көрсеткіш яғни заң бұзған адам 43 755 теңге төлеуі тиіс.
Материалдың толық нұсқасын төмендегі видеодан көріңіз:
[video=|]
