Қазалы Qazaly.kz ақпараттық агенттігі
» » «Дельта» штамын көбіне жастар жұқтыруы мүмкін

«Дельта» штамын көбіне жастар жұқтыруы мүмкін

Алматының бас санитар дәрігері Жандарбек Бекшин коронавирустың жаңа «дельта» штамы туралы айтты, деп хабарлайды ҚазАқпарат.

Оның айтуынша, жаңа «дельта» штамының белгісі суық тию симптомдарына ұқсас.
«Бұл штамды көбінесе жастар жұқтырады. Басты симптомы – бас ауруы, тұмау, ангина, жоғары температура. Иіс сезу қабілеті жоғалмайды және жөтел болмайды», – деді Жандарбек Бекшин.

Сондай-ақ іштің ауыруы, құсу, тыныс жолының тарылуы мүмкін.
Жандарбек Бекшин тек вакцина ғана ауруды жұқтырмауға әрі өлімді азайтуға септігін тигізетінін атап өтті.

«Бүгінде Алматыда 386 222 адам вакциналанды. Өткен тәулікте коронавирусқа қарсы 5 840 адам екпе алды. 60 жастан жоғары екпе алған адам саны – 49 314. Жастар қорғаныс шараларына жауапкершілікпен қарап, вакцина алуға баруы керек»,- деді ол.
23 маусым 2021 ж. 420 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031