Денсаулық сақтау министрі Алексей Цой ведомство ашық алаңдары бар нысандардың жұмыс уақытын ұзартуға мүмкіндік бергенін мәлімдеді, деп хабарлайды Stan.kz ақпарат агенттігі.
"Министрлік ашық аспан астында жұмыс істейтін нысандарда спорттық іс-шаралар өткізу, балаларды сауықтыру ұйымдарының қызметі тұрғысынан әлеуметтік-экономикалық нысандардың жұмыс уақытын ұзарту туралы шешім қабылдады. Бұл критерилерге жаңа нысандар енгізілді. Олардың қатарында жазғы дәмханалар, қоғамдық тамақтану орындары бар", - дейді министр. Оның айтуынша, "қызыл" аймақтағы ашық алаңдары бар нысандардың жұмыс уақыты 9:00-ден 20: 00-ге дейін, "сары" аймақтағы өңірлерде сағат 07:00-ден түн ортасына дейін, "жасыл" аймақтағы нысандарға 07:00-ден 02-ге дейін жұмыс істеуге рұқсат етілген.
Көшеде тамақтануға және демалуға шектеу қойылмайды.