Меккеге қажылыққа COVID-19-ға қарсы вакцина салдырғандар ғана бара алады
Cауд Арабиясы Меккеге қажылыққа келуге тек вакцина салдырғандарға ғана рұқсат берді, деп хабарлайды Stan.kz ақпарат агенттігі.Рамазан айының басталуына байланысты жүздеген мінәжат етуші мұсылмандар Сауд Арабиясының Мекке қаласындағы Қағбаны айналу парызын орындауға кірісті. Бірақ әдетте мыңдаған адам жиналатын қасиетті орында биыл коронавирус індетінен кісі қарасы аз.
Сауд Арабиясы билігі Меккеге коронавирусқа қарсы вакцина салдырған және дерттен жазылып шыққан адамдардың келуіне рұқсат еткен.
Ал құлшылық етушілер әлеуметтік қашықтықты сақтап, қауіпсіздік шараларын орындауы тиіс.
