Ауыл әкімі айыппұл төлейді
Қызылорда қаласына қарасты ауыл әкімі карантин талабын бұзғаны үшін айыппұл арқалады. Бұл туралы облыстың бас мемлекеттік санитариялық дәрігері Динара Жаңабергенова айтты.– 8 наурыз күнгі ұжымдық шара кезінде ол медициналық бетперде тақпаған. Сондықтан ауыл әкіміне 230 айлық есептік көрсеткіш көлемінде айыппұл салынды, – деді Д.Жаңабергенова.Санитарлық-эпидемиологиялық талапты бұзудың мұндай дерегі Қармақшыдағы мектепте анықталды. Мерекелік шараға жиналғандар маска тағу керектігіне мән бермеген. Осылайша 17 адам айыппұл төлейтін болды.
