1 қаңтардан бастап көлік жүргізушілеріне тек қана жеке куәлікпен жүруге болады
1 қаңтардан бастап көлік жүргізушілері тек қана жеке куәлігін алып жүрсе болады, – деп жазады 24.kz.Барлық ақпарат арнайы базаға енгізілген. Кез келген жерде жол-көлік полициясы өкілдері жүргізушілер туралы ақпаратты арнайы планшет арқылы тексереді.
Cондай-ақ Халыққа қызмет көрсету орталықтарында енді ішкі істер органы өкілдерінің отыруы қажет емес. Олардың жұмысы автоматты жүйеге көшірілген.
ІІМ ресми өкілі Нұрділда Ораз: «Келесі жылдан бастап жол жүру куәлігін ішкі істер органдарының қызметкерлері талап етпейді. Себебі, жеке куәліктің өзі жеткілікті. Барлығы ортақ базаға енгізілген. Қандай да көлік ұрланған ба жоқ па осының барлығы ішкі істер органдарының планшетінде шығып тұрады», – деді.
