Қазалылық жастар тегін медициналық маска таратты
Елімізде жұқпалы індет кең етек жайған кезеңде аудан жастары көптеген жұмыстар атқарды. Әсіресе олардың тұрғындарға аурудың алдын алу, қауіпсіздік шараларын түсіндіру бағытындағы еңбектері ұшан-теңіз.Кешеден бастап аудандық жастар ресурстық орталығының жастары мен еріктілер «Бетперде тағып жүрейік» акциясы тегін медициналық маскалар таратты.
Сейсенбі күні аудан жастары халық көп шоғырланған жерлерге барып, 300 медициналық масканы үлестірді. Алдымен аудан орталығындағы халыққа қызмет көрсету орталығы, «Қазпочта» АҚ мен «Халық банк» АҚ Қазалы аудандық филиалдарының алдында кезекте тұрғындарға ұсынды.
Ал, бүгін 300 дана масканы қоғамдық көліктер мен аялдамаларда тұрған жолаушыларға, орталық базардағы және азық-түлік дүкендерінде тұрғындарға таратты.
Бұл бастама ертең және жұма күні де өз жалғасын табады.
