Дүкенге барғанда коронавирус жұқтырмас үшін қалай сақтану керек?
Коронавирус инфекциясын жұқтырмас үшін азық-түлік дүкеніне қалай баруға болатыны туралы «Ұлттық медициналық палата» медициналық одағының президенті Леонид Рошаль РИА Новости басылымына берген сұхбатында айтып берді.«Дүкенге барып арбаны аларда қолғап киіңіз. Қоғамдық дәретханаларда суды ағызу немесе есікті ашу қажет болған кезде майлық немесе дәретхана қағазын қолданыңыз. Қолдарыңызды жиі жуыңыз немесе қолдарыңыз бен телефондарыңызды арнайы антисептикпен залалсыздандырыңыз - бұл өте маңызды ереже, оны қатаң сақтау керек», - деді Рошаль.
Тыныс алу жолдары ауруларының белгілері бар адамдармен байланысудан аулақ болу керек, мүмкіндік болса, басқа адамдардан бір жарым метрден екі метрге дейін қашықтықта алшақ тұру керек, тұмау немесе жөтелдің алғашқы белгілері пайда болған кезде бетперде кию керек, ал түшкірген немесе жөтелген кезде майлық пайдаланған жөн. Тыныс алу жолдары ауруы бар науқастарға емханаларға баруға тыйым салу қажет, аурудың белгілері пайда болған кезде байланыс орталығының операторынан қашықтықтан кеңес алып немесе үйге дәрігер шақыру керек, - деді Рошаль. Оның айтуынша, бүгінгі таңда коронавирус қаупінен толықтай оқшаулану мүмкін емес.
massaget.kz
