Университетке берілген осы мәртебе оның академиялық және басқарушылық дербестікке, оның ішінде PhD және профильдік бағыттағы докторлық дәрежені беру, білім беру бағдарламаларының мазмұнын анықтап, өз үлгілерімен дипломдар беру мүмкіндігін береді.

"Университеттің бағдарламалары бойынша білім беру грантының құны да артады, нәтижесінде бұл профессор-оқытушылар құрамның жалақысын арттыруға және материалдық-техникалық базаны жаңартуға мүмкіндік береді. Аталған шаралардың барлығы университетке ғылыми және педагогикалық кадрларды тарту полюсі болуға, бүкіл аймақтың дамуына серпін беріп, алға қойған мақсаттарға қол жеткізуге мүмкіндік береді", - деп хабарлады ҚР Білім және ғылым министрлігі.

Университет 1992 жылы Түркістан қаласында Нұрсұлтан Назарбаевтың бастамасымен құрылды және ол Қазақстандағы жалғыз халықаралық университет болып табылады.

today.kz