"Сағызды шайнамасын!". Ват-сапта ата-аналарды шошытатын видео тарауда
WhatsApp мессенджерінде тәлтіректеген жеті-сегіз жастағы баланың видеосы тарап жатыр. Видео сыртында айтылған дерекке сүйенсек, бала "снюс" деп аталатын заттың әсеріне бой алдырған. Оның үстіне баланы Қазақстандағы мектептердің бірінде оқитын оқушы деп айтады, деп хабарлайды zakon.kz.Видеода ер адам тәлтіректеген баланы қолынан ұстап тұр. Анасы оған сұрақ жаудырып жатыр, бірақ бала оған мүлде жауап бермейді.
- Кәмпит жедім дейсің бе? - деп сұрайды әйел.
- Барлық топтарға шұғыл түрде таратыңыздар!!! Бір сағат бұрын, 2019 жылдың 10 желтоқсанында сағат 13.05 шамасында №7-ші мектепте кейбір балаларға мектеп оқушылары осындай сағыз таратқан. Бұл - СНЮС! Шұғыл түрде балаларыңызға қоңырау шалып, оны шайнамауды ескертіңіздер! Ондағы никотин жылқыға арналған дозада!!!!!!! - делінеді видео сипаттамасында.
Оның үстіне олар бұл қазақ мектебінде болған жайт деп айтады.
