Еуропалық сарапшылар ата-аналарға балаларын мектепке көлікпен апармауға кеңес береді. Мұның бірнеше себебі бар. Бұл туралы Deutsche Welleбасылымы жазады.

Швециядағы Карлстад университетінің маманы Джессика Вестманның айтуынша, баланы мектепке көлікпен апару оның психикасына, өсуіне кері ықпал етеді.

Неміс психологы Клаус Зайфрид балаларды кішкентайынан өздігінен әрекет етуге үйрету керектігін жеткізді.

«Олар кішкентай кезінен көшеде қалай жүруді меңгеру керек», - дейді ол.

Мамандардың айтуынша, ең дұрысы – мектеп оқушылары бастауыш сыныптан бастап сабаққа жаяу, велосипедпен не болмаса құрдастарымен бірге қоғамдық көлікпен бару керек. Бұл – қауіпсіз, және достардың айтатын әңгімесі табылады. Сонымен қатар, бала ерте есейеді.

Сондай-ақ бала мектепке өзі жеткенше жолда ұйқысын ашады, бірінші сабақта қалғып отырмайды. Оның үстіне кім ерте тұрса, сол сабақты жақсы меңгереді.

Ганновер қаласындағы мектептердің бірінде «ата-аналар таксиінен» құтылудың жолын ойлап тапты. Мектептен 350 метр қашықтықта мұғалімдер жолды жауып тастайды. Онда мектепке көлікпен келгендерді ұстаздар «Ата-ана таксиі» солға, балалар оңға» деген жазбалармен қарсы алады.

Baq.kz