Қазалы Қазалы аудандық қоғамдық-саяси газет
» » Мұғалімдердің зейнет жасы төмендей ме - министр жауап берді

Мұғалімдердің зейнет жасы төмендей ме - министр жауап берді

Білім және ғылым министрі Асхат Аймағамбетов педагогтардың зейнет жасын төмендетуге қатысты өз пікірін білдірді, деп хабарлайды Sputnik Қазақстан тілшісі.
Тамыз кеңесінің пленарлық мәжілісінен кейін өткен баспасөз мәслихатында журналистер мұғалімдердің зейнет жасын төмендету туралы сұрады.
"Педагог мәртебесіне қатысты мұғалімдер 55-58 жаста зейнетке шықса деген ұсыныс айтылды. Ұсыныстардың 70 проценті осы мәселеге бойынша болды. Осыған қатысты сіздің министр ретінде жеке ұстанымыңыз қандай?", - деп сұрады тілшілер.
Министрдің айтуынша, ұстаздардың зейнет жасын төмендететін болса, басқа саланың мамандары да осыны талап етеді. Сол себепті әзірше бұл мәселе тек талқылау сипатында ғана қаралып жатыр.
"Біз бұл мәселені бірнеше рет талқыладық. Енді, жалпы бізде зейнетке шығу бойынша заңда бекітілген өзінің уақыты бар. Біз ұстаздарға осындай құқық (55-58 жаста зейнетке шығу - Sputnik) беретін болсақ, онда басқа саланың мамандарын да, мысалы дәрігерлер, мәдениет саласының қызметкерлерін ескеру керек болады, басқа мәселелер де шыға береді. Сондықтан бүгінде бұл мәселе тек талқылау үстінде, әлі оң шешілді деп айта алмаймыз", - деді Аймағамбетов.

09 қыркүйек 2019 ж. 269 0

Руханият

Ұрын той

Ұрын той

14 қаңтар 2020 ж.
Қазақы оюда ой бар

Қазақы оюда ой бар

28 желтоқсан 2019 ж.

Жаңалықтар мұрағаты

«    Қаңтар 2020    »
ДсСсСрБсЖмСбЖс
 12345
6789101112
13141516171819
20212223242526
2728293031