Былтыр аралас отынмен жүретін көліктер екі еседен артық көбейді
Былтыр жанар-жағармай бағасы 23,2% өсті, соңғы айында 0,6% көтерілген. Оның ішінде газ бағасының өсуі 12,9% құрады, бензин бірден 19,6% қымбаттады, деп хабарлайды inbusiness.kz energyprom.kz сайтына сілтеп.Соңғы айдағы қымбатшылық Алматы облысы мен Алматы қаласында қатты байқалды (1,2%). Ал жылдық динамикада Батыс Қазақстан облысында баға бірден 28,2% өсті. Содан кейін Ақмола (26,3%) мен Солтүстік Қазақстан (26,2%) облыстары бар. 2021 жылғы 1 қарашадағы есепке сай, елде 3,8 млн жеңіл автокөлік болған. Автомобильдердің басым бөлігі Алматы облысында тіркелген: 476 мың қаражат. ТОП-3 құрамына Алматы қаласы (461,7 мың) мен Түркістан облысы (312,1 мың авто) кірді. Жеңіл автомобильдердің басым бөлігі (3,3 млн-ы) бензин жағады, 74,1 мың авто дизель отынымен жұмыс істейді. Газ пайдаланатындары небары 3,9 мың, бұл – барлық көліктің 0,1%-ы. 500 автомобиль электр отынын пайдаланады. Бензин, газбаллон және электр отыны түрлерін аралас қолданатын мәшинелер саны – 296,6 мың. Айта кету керек, бес жыл ішінде газбен жүретін автомобильдер саны – 5,8%, аралас отынмен жұретіндер 2,7 есе артты.
