Қазақстанда неке сақиналары қымбаттады
Елімізде зергерлік бұйымдардың бағасы өсіп, неке жүзіктері 6,8 пайызға қымбаттады. Бағаның өсуі әсіресе Ақмола, Ақтөбе және Алматы облыстарында қатты байқалады, деп хабарлайды Express Qazaqstan.
Energyprom.kz сарапшыларының мәліметінше, елімізде жыл басынан бері 794,6 миллион теңгеге зергерлік бұйымдар шығарылған. Өнімнің басым бөлігі Алматыда өндірілген.
Қыркүйек айында жасалған сараптама бойынша, зергерлік бұйымдар мен сағаттардың бағасы өткен жылға қарағанда 7,1 пайызға өскен. Ал алтын неке сақиналары 6,8 пайызға қымбаттаған.
Жылдық динамикадағы ең күшті өсім Ақмола облысы (жылына 22,2%), Ақтөбеде (жылына 17,7%) және Алматыда (14,7%) облыстарында тіркелді. Бағаның ең аз өсуі Шымкентте байқалды.
