Қазалы Qazaly.kz ақпараттық агенттігі
» » Көзінен жас орнына қан аға бастады

Көзінен жас орнына қан аға бастады

Италияда ер адам сирек кездесетін ауруға шалдығып, нәтижесінде көзінен жас орнына қан ағатын болған. Бұл туралы Science Alert басылымына сілтеме жасап Stan.kz хабарлайды. 52 жастағы ер адам көзінен қан ағып тұрғанын айтып, жедел жәрдем шақыртқан. Бұл аяқ асты басталып, қан 2 сағат бойы тоқтамаған. Сондықтан ер адам дәрігерлерге жүгінуге мәжбүр болыпты.Артынша қан тоқтағанымен, біраз уақыттан кейін қайта аға бастаған. Пациенттің еш жері ауырмаған, жарақат алмаған және көзінің көруі нашарламаған. Қарашығын да еш ақаусыз қозғай алады екен. Сондықтан дәрігерлер не істерін білмей, есіп шығыпты. Ал ер адам мұндай жағдайдың бірінші рет болып тұрғанын айтты.
Пациентті тексеруден өткізгеннен кейін, көз алмасын жауып тұратын мембрананың аздап қабынғаны анықталған. Сондай-ақ, екі қабағының астынан қатерлі емес ісік (гемангиом) табылыпты. Мұның бәрі гемолакрия дертіне меңзеген. Аталған дерт кезінде көзден жаспен бірге қан ағады.
Өз кезегінде дәрігерлер көз гипертензиясы кезінде қолданылатын көзге арналған тамшыларды қолданды. Мұнан кейін пациенттің көзінен қан ағуы тоқтап, артынша қайталанбаған.
05 қараша 2018 ж. 2 083 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031