Танымал футболшы, аргентиналық шабуылшы Лионель Мессидің қимылын қайталауға тырысқан үндістандық ойыншы сүйікті футболшысының әдісін қайталағаннан кейін қайтыс болды.

Мессидің жанкүйері сүйікті футболшысына еліктеймін деп көз жұмды. Бұл туралы India Today хабарлады, деп жазады Stan.kz ақпараттық агенттігі.

Калькутталық ойыншы Сагар Дас ойын кезінде командадағы серіктесінен Мессидің әдісі бойынша пас аламын деп, тепе-теңдік сақтай алмай, құлап кетті. Доп ойыншының дәл кеудесіне тигендіктен, ол сол жерде есінен танып қалды. Әріптестерінің құлап қалғанын көрген оның командасы оған көмектесуге тырысты, бірақ одан ештеңе шықпады. Ойыншы бірден Камархати қаласындағы ауруханаға жеткізіліп, кейіннен сол жерде көз жұмды.

Кеудесіне доп тиіп қайтыс болған футболшының ағасы Самар Койал марқұмның Мессиді қатты үлгі тұтқанын айтты. Ол інісінің Мессидің жанкүйері болғанын және қазір Ресейде өтіп жатқан әлем кубогының барлық матчтарын жібермей көріп жүргенін де айта кетті.