Түркия: Мешіттер мекені

Түркияда әсем әрі көздің жауын алар тарихи шаһарлар жетерлік. Сондықтан да бұл ел саяхатшылар үшін өте қызықты. Соның ішінде Бейшеһер - Коньяға жақын орналасқан қала. Онда 70 мың тұрғыны бар. 

Афионды апиынымен қоса артта қалдырып, Бейшеһерге жеттік. Мұндағы көне мешіт Эшфорфоглудың тарихы ХІІІ ғасырдан тамыр тартады. Ерекшелігі көп. 48 бөрене көтеріп тұрған мешіт балқарағайдан өрілген. Ағаш түзу болып, өз қасиетін ұзақ сақтауы үшін алты ай суда ұсталып, содан кейін ғана құрылысқа пайдаланылған екен. Биіктігі 7,5 метр. Әрқайсысының диаметрі 40 см шамасында. Мешіттің дәл ортасына қарға арналып терең ор қазылған. Оған қыс бойы жақын жердің қарын жинап, мешітті салқындатуға пайдаланып, тоңазытқыш ретінде қолданған. Бейшехирдегі көлдің де маңызы зор. Ені 20 шақырым, ұзындығы 45 шақырымға созылып жатқан көл балыққа бай.

А.СЕМБАЕВА