Украиналық босқындардың саны 5 миллионнан асты
Польшада босқындарды қабылдау үшін арнайы орталықтар ашылған. Қақтығыс басталғаннан бері елден бас сауғалап қашқан украиналық босқындардың саны 5 миллионнан асты, деп хабарлайды inbusiness.kz БҰҰ-ның босқындар ісі жөніндегі жоғарғы комиссарының басқармасына сілтеме жасап.Олардың жартысынан көбі Польшаға қоныс аударған. Осы күнге дейін бұл елге 2,8 миллионнан астам украиналық пана іздеп қашқан. "Босқындардың саны күн санап артуда. Адамдар туыстарын, үйлерін, мүліктерін тастап кетуге мәжбүр болуда", – деді БҰҰ өкілі Шабиа Манту. Польшада босқындарды қабылдау үшін арнайы орталықтар ашылған. Көбінесе әйелдер мен балалар келеді. Euronews дерегі бойынша, мұндай орталықтарда жағдай жасалмаған. Бірақ өз елінде үйінен айырылған украиналықтардың одан басқа барар жері жоқ.
