Қазақстан украин дәрі жеткізушілерімен келісімшартты тоқтатты

Қазақстан украин дәрі жеткізушілерімен келісімшартты тоқтатты. Бұл туралы Мәжіліс отырысында денсаулық сақтау министрі Ажар Ғиният мәлімдеді, деп хабарлайды Stan.kz ақпарат агенттігі.
Министрдің сөзінше, жұмыс басталып кетті. Ведомство украиналық фармацевтикалық зауыттармен келісімшартты тоқтатты. Геосаяси жағдайдың күрделі болуына байланысты Украинада көптеген өндіріс орындары жабылып қалған.
Бұған дейін Қазақстан 25 түрлі препарат сатып алып келген. Жалпы қордың 70 пайызын Қазақстан жыл басында алып үлгерді. Енді қажетті қалған дәрілерді өзге мемлекеттерден алмақ.