Ғалымдар COVID-19 қауіпті адамдар тобын анықтады
Аустралияның Квинсленд штатындағы Бергхофер ғылыми-зерттеу институтының ғалымдары ас қорыту жүйесінің аурулары мен коронавирус арасындағы байланысты анықтады. Зерттеу нәтижелері Human Molecular Genetics журналында жарияланды, - деп хабарлайды Tengrinews.kzRT сайтына сілтеме жасап.Зерттеу авторларының айтуынша, қышқыл рефлюксінің дамуына генетикалық бейімділік (күйдіретін өңеш қышқыл-өт рефлюксі) коронавирустың ауыр өтуіне ықпал етеді.
"Гастроэзофагеальды рефлюкс ауруын қоздыратын гендер COVID-19-дың ауыр өтуі мен ауруханаға жатқызу қаупін 19 пайызға арттырумен байланысты", - делінген ғылыми жұмыста.
Сондай-ақ, гастроэзофагеальді рефлюкс ауруында коронавируспен ортақ қауіп факторлары бар екені белгілі болды, олардың арасында семіздік, гипертония, жүрек-тамыр аурулары және қант диабеті бар.
"Біздің нәтижелеріміз гастроэзофагеальді рефлюкс ауруы коронавируспен ауруханаға жатқызу қаупін арттыруда рөл атқарады деп болжайды", - дейді ғалымдар.
