TikTok жүздеген қызметкерін қысқартпақ - БАҚ
TikTok әлеуметтік желісі тиесілі ByteDance компаниясы Қытайдың жаңа талаптарына байланысты жүздеген қызметкерді жұмыстан шығармақ, - деп хабарлайды Tengrinews.kz Reuters-ке сілтеме жасап.Reuters мәліметінше, ByteDance мектеп оқушылары мен мектеп жасына дейінгі балалардың білім беру бағдарламалары бойынша оқытуға байланысты бизнес бағыттарын жабуды ұйғарған. Білім беру бөлімінің сату және жарнама бөлімдерінің репетиторлары мен қызметкерлері қысқартылады.
Мұның себебі Қытай билігінің жаңа талаптары болды. Оған сәйкес мектеп бағдарламасы пәндерін оқытатын компаниялар қайта тіркеліп, коммерциялық емес ұйымдар болуы керек. Сондай-ақ, олар биржаға шығып, шетелдік капиталды тарта алмайды.
Жаңа ережелерді жариялау Қытай компанияларының бағалы қағаздарын сатуға себеп болды, соның салдарынан олардың нарықтық құны 1 триллион доллардан асты.
