Исландияның астанасы Рейкьявиктен 35 шақырым жерде орналасқан Рейкьянес түбегінде Фаградалсфьяль жанартуы қатты атқылай бастады және куәгерлер оны видео түсіріп, желіде таратты.

Видеодан жанартау атқылағаннан кейін түтін шығып, лава төгіліп жатқанынан көруге болады. Қала тұрғындары аспан қызыл түске боялғанын айтып жатыр.

Жанартау қатты атқылағаны соншалық сейсмикалық белсенділігі күшейген. Түбекте бірнеше аптадан бері 40 000 рет жер сілкінісі тіркелген.