Қазалы Qazaly.kz ақпараттық агенттігі
» » Көп тіл білудің 4 артықшылығы

Көп тіл білудің 4 артықшылығы

Полиглот болғанның шетелдіктермен еркін сөйлесіп, байланыс орнатудан да маңызды артықшылығы бар.
Өзін алдауға жол бермейді
Билингвистерге қандай да бір ұғымның қарама-қайшы қасиеті әсер ете алмайды. Мысалы Струпп тестінен жылдам, мүдірмей өту оларға ештеңе емес. Мұнда рет бойынша бірінші сөзден бастап әрбір сөз қандай түспен жазылғанын дауыстап айтып шығу керек. Бұл тест миға келетін инстинктке назар аудармай, когнитив жүйеге мұқият болуды қажет етеді.
Деменцияға төтеп бере алады
Зерттеулерге сүйенсек, мультилингвистердің егде жаста да ой-санасы жүйелі болады. Дегенмен, миы белсенді жұмыс істейтін кез келген адам деменцияға төтеп бере алады. Көп тіл білген адам деменциядан бөлек Альцгеймер ауруына шалдығуы неғайбыл. Билингвист адам Альцгеймерге душар болғанның өзінде ауру когнитив функцияға қатты әсер ете алмайды.
Когнитив икемі бар
Зерттеушілер анықтаған тағы бір артықшылық – когнитив икем. Бірнеше тіл білген адам қандай да бір ситуацияда бірнеше көзқарас пен перспективаға икемделе алады. Бұл оны күрделі мәселелерде жылдам шешім қабылдауына ықпал етеді.
Жаңа нәрсені оңай меңгереді
Полиглоттардың миындағы зейін функциясы өте жақсы дамыған. Соның арқасында олар жаңа ақпаратты, дағдыны оңай меңгереді. Мысалы Вашингтон университеті мамандарының тәжірибесіне сүйенсек, жаңа тіл меңгеруге қабілетті немесе билингвистер Python программалау тілін өзгелерге қарағанда жылдам үйренген.
29 маусым 2020 ж. 828 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031