Сарапшының айтуынша, телефонның тыңдалғанын әрдайым білу мүмкін емес, өйткені ол үшін қажетті аппараттың сигналын ауыстыратын жалған базалық станцияларында қымбат тұратын жабдықтар қолданылады.

Дегенмен, телефонның тыңдалып жатқанын білуге болатын бірнеше белгілер бар.

Бірінші белгі – сіз орнатпаған, бірақ смартфоныңызда тұрған бағдарламалық қосымшалардың болуы. Сондықтан сарапшы телефоныңызға орнатылған қосымшаларды үнемі тексеру қажет деп кеңес береді.

Екінші белгі – сіздің телефоныңыз өзінен-өзі қосылып-өшіп немесе қызып кетуі мүмкін. Бұған сіздің смартфоныңызға енгізілген тыңдалым бағдарламасы себеп болуы мүмкін.

Үшінші белгі – телефон қуатының тез бітіп қалуы.

– Егер телефоныңыздың қуаты өте тез таусылып қалса, бұл кейбір бағдарламаның фонда жұмыс істеп тұрғанын білдіреді, сондықтан оны да тексеру керек, – дейді сарапшы.