Бұл туралы сол елдің президенті Гурбангулы Бердымухамедов 27 ақпанда өткен үкімет отырысында экономика және қаржы вице-министріне тапсырма берді. Ол 60 манат (нарықтық курспен есептегенде шамамен 3 доллар) ақшалай сыйақы табыстау туралы бұйрық берді. Бұл сыйақыны жұмыс істейтін әйелдер, студенттер, зейнетақы мен жәрдемақы алатын әйелдер алады. Балабақшаға бармайтын бүлдіршін қыздар мен 3 жасқа дейінгі балалары жоқ жұмыссыз әйелдер (балалар жәрдемақысын алмайтын) сыйлықтар алмайды. Себебі оларға қаражат  жалақы, жәрдемақы немесе зейнетақы беретін ұйымдардың бюджетінен бөлінуі тиіс.