Қазалы Qazaly.kz ақпараттық агенттігі
» » Ғалымдар өлетініңді 10 жыл бұрын анықтай алатын болды

Ғалымдар өлетініңді 10 жыл бұрын анықтай алатын болды

Неміс дәрігерлері адамның қашан өлетінін оның қан анализіне қарап анықтай алады.

Ғалымдар 18-109 жас аралығындағы 44 мың адамға зерттеу жүргізіп, өлім қаупін көрсететін 14 қан биомаркерін анықтаған. Макс Планк атындағы биологиялық қартаю инстиутының академиктерінің деректер туралы ktk.kz тлшілері жариялады.

"Зерттеу жұмысы 2 жылдан 16 жылға дейін жалғасты. Осы уақыт аралығында экспериментке қатысқан 5 512 адам қайтыс болды. Ғалымдар олардың қан сынамасынан метаболиттік биомаркерлерді іздеді. Бұл көрсеткіштер тірі жүрген адамдардан жоғары болды. 14 биомаркер әртүрлі жастағы ерлер мен әйелдерден табылды", - деп жазылған хабарламада.

Бұл биомаркерлер иммуниттің, глюкозаның, қабынулар және тағы басқаның көрсеткіші болып отыр. Анализ жиынтығының қорытындысы алдағы 10 жылда адам өлетінін немесе өлмейтінін анықтауға көмектеседі. Зерттеу жұмысының нақтылығы – 83%.

Ғалымдар зерттеу қорытындысы науқасты емдеген кезде ескеріледі деген үмітте. Әзірше, дәрігерлер артериялық қан қысымы мен холестерин деңгейіне қарап адамның тек алдағы бір жылда өліп кету қаупін анықтай алады. Одан көп уақытқа болжам жасау ғалымдар үшін қиын мәселе болып отыр.
22 тамыз 2019 ж. 849 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031