Үндістанда хирург әйелдің асқазанынан бағалы бұйымдар тауып алды
Табылған заттардың жалпы құны – 53 мың фунт стерлинг.Үндістанның Батыс Бенгалия штатының тұрғыны 1,6 килограмм әшекей бұйым мен тиынды жұтып қойған.
22 жастағы Руни Хатун (Runi Khatun) асқазаны ауырып, құсқысы келіп ауруханаға түскен. Тамақ ішкен сайын науқас құса берген. Рентген әйелдің асқазанында металл заттар бар екенін көрсетті.
Хирургиялық операция кезінде оның асқазанынан 69 алқа, 80 сырға, 40 тиын, 8 медальон, 11 мұрынға арналған сырға, 5 аяққа тағатын әшекей және қолсағат табылған. Табылған заттардың жалпы құны – 53 мың фунт стерлинг.
Әйел адам оларды өзі жұтып қойғанын мойындаған.
"Әшекей бұйымдар жоғалып жатқанын байқадық. Бірақ ол ештеңе демейтін, тек біз сұрағанда жылай беретін", – деді әйелдің туысқаны.
Дәрігерлер әйелді психиатрға жолдады.
