Ауыл кешін асқақтатқан әндер
Жақында «Рухани жаңғыру» бағдарламасы аясында Қызылорда қаласының 200, Қазалы ауданының 90 жылдығына орай Майдакөл, Аранды, Ү.Түктібаев, Бекарыстан би ауылдарының өнерпаздарынан құралған «Саз-керуен» тобы «Халыққа танымалы әуезді әндер» атты ретро әндер кешін өткізді. Атылмыш топтың концерттік бағдарламасы Аранды ауылында 5 қараша күні көпшілік назарына ұсынылды.Жиылған көрерменге вокальды-аспапты ансамбль мүшелері жанды дауыста әндер орындады. Олардың салған халық әндері мен қазақ композиторларының шығармаларын тыңдармандар қосыла шырқады. Ш.Жанәділов, Е.Ағыраев, Б.Жібекәлиев, Б.Ізмағамбетов, Б.Салжекенов, Б.Мақсұтов, Қ.Жөкеев, Қ.Сырғали, М.Жанәділовтің өнеріне сүйсінгендер ерекше ықыласпен қол соғып, қошеметін көрсетті. Ауыл тұрғындары атынан №97 мектеп директоры А.Алуашова, зейнеткер М.Жәдиева алғысын жеткізіп, дәстүрлі өнер сабақтастығы жалғасын табуына тілектестік білдірді.
Самат СЕРІКБАЕВ,
ауылдық клубтың әдіскері
