Қазалы Қазалы аудандық қоғамдық-саяси газет
» » » Қызылорда облыстық қазақ музыкалық драма театры Шотландиядағы халықаралық «Фриндж» фестиваліне қатысуда

Қызылорда облыстық қазақ музыкалық драма театры Шотландиядағы халықаралық «Фриндж» фестиваліне қатысуда

Шотландияның Эдинбург қаласында 3 тамыз күні өнер фестивалі басталды. Фестиваль 27 тамызға дейін жалғаспақ. Осы кезеңде көрермен назарына 3700 түрлі жанрдағы қойылым ұсынылатын болады.
Бұдан бұрын біз Қызылорда облыстық Нартай Бекежанов атындағы қазақ музыкалық драма театры 2018 жылдың тамыз айында Эдинбург қаласында өтетін «Фриндж» халықаралық өнер фестиваліне қазақтың халық жазушысы Ғабит Мүсіреповтің «Қозы Көрпеш-Баян Сұлу» лиро-эпостық драмасының желісі бойынша сахналанған «Ақбаян» спектаклімен қатысады деп жазған болатынбыз.
Театр ұжымы туристер арасында танымал «Король милясы» (Royal mile) көшесінде қысқаша қойылымдарды сахналады. Айта кетейік, «Fringe» фестивалі іс-шараларының негізгі бөлігі осы жерде өткізілетін болады.
Театрдың негізгі қойылымдары 6-8 тамыз күндері Stockbridge Church алаңында көрсетіледі.
«Фриндж» («Fringe») фестивалі 1947 жылдан бастап жыл сайын ұйымдастырылады және әлем бойынша театр өнеріндегі ең ірі шара болып табылады. Биыл фестивальге әлемнің 50 елінен келген 50 000 жуық артист қатысуда.
06 тамыз 2018 ж. 657 0

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30