Қазақстандықтар Құрылтай сайлауында «бәріне қарсымын» деген таңдау жасай алады
Фото: Орталық сайлау комиссиясыОрталық сайлау комиссиясы ҚР Құрылтайы депутаттарын сайлауға арналған бюллетень жобасын таныстырды, деп хабарлайды Ulysmedia.kz.
ТОЛЫҒЫРАҚ
Бюллетень үлгісі Астанада өткен Орталық сайлау комиссиясы отырысында таныстырылды. Ұсынылған нұсқаға сәйкес, бюллетеньге саяси партиялардың атаулары жеребе арқылы анықталған тәртіппен енгізіледі. Сонымен қатар «Бәріне қарсымын» деген жеке жол болады.
Орталық сайлау комиссиясының мәліметінше, бюллетеньдер мемлекеттік және орыс тілдерінде дайындалады. Олар тиісті округтегі сайлаушылар санына тең мөлшерде, оған қоса 1 пайыздық резервпен басып шығарылады.
Бюллетеньдерді учаскелік сайлау комиссияларына дауыс беруге дейін үш күннен ерте емес және бір күннен кешіктірмей жеткізу жоспарланып отыр.
КОНТЕКСТ
Еске салайық, Құрылтай депутаттарын сайлау 23 тамызда өтеді. Құрылтай Қазақстанның алғашқы бір палаталы парламенті болады. Сайлауды өткізуге Үкімет резервінен 34,3 млрд теңге бөлінді.
Достарыңмен бөліс
