Теміржолдағы құқықтық тәртіп – басты назарда

Қазақстан Республикасы Ішкі істер министрлігі Көліктегі полиция департаментінің нұсқауына сәйкес Қазалы станциясы Желілік полиция бөлімшесінің қызмет атқару аймағында теміржол нысандарында құқықтық тәртіпті сақтау, қылмыс пен әкімшілік құқықбұзушылықтардың алдын алу және азаматтардың қауіпсіздігін қамтамасыз ету мақсатында 2026 жылдың 10–13 наурыз аралығында «Құқықтық тәртіп» жедел-профилактикалық іс-шарасы өткізілуде.

Іс-шара барысында полиция қызметкерлері теміржол вокзалы, перрондар, пойыздар мен жолаушылар көп шоғырланатын орындарда рейдтік және профилактикалық жұмыстар жүргізіп, қоғамдық тәртіптің сақталуын қадағалауда. Сонымен қатар теміржол қауіпсіздігі ережелерін сақтау бойынша тұрғындар мен жолаушыларға түсіндіру жұмыстары жүргізілуде.

Бекнұр ҚАЛЖАНОВ, 

Қазалы станциясы Желілік Полиция

бөлімшесінің бастығы, полиция майоры