Көмірсутек саласында құқық бұзғандарға 50 млрд теңге айыппұл салынды
Көмірсутектер саласындағы жер қойнауын пайдаланушылар келісімшарттарды орындамағаны үшін айыппұл төлейді. Бұл туралы Энергетика министрлігі мәлім етті.
Фото: Pixabay.comВедомствоның мәліметінше, бүгінде еліміз бойынша көмірсутектер саласындағы жер қойнауын пайдалануға арналған келісімшарттардың жалпы саны — 327, оның ішінде барлау бойынша — 133, дайындық кезеңінде — 12, өндіру бойынша — 182.
ҚР Энергетика министрлігі 2025 жылғы 1 маусымнан бастап қолданыстағы заңнамаға сәйкес көмірсутектер саласындағы жер қойнауын пайдаланушылардың келісімшарттық міндеттемелерді орындауын мониторингілеу бойынша кешенді жұмыс жүргізді.
— Жүргізілген жұмыс нәтижесінде салынған айыппұлдар мен берешектердің жалпы сомасы 50 млрд теңгені құрады, оның ішінде 2024 жыл бойынша — 19 млрд теңге. Жер қойнауын пайдаланушылардың атына 160-тан астам хабарлама жолданды, — делінген хабарламада.
Қазіргі таңда шамамен 1 млрд теңге өтелді, бұл бағыттағы жұмыс жалғасуда. Сондай-ақ, Министрлікпен ағымдағы жылдың 9 айында жер қойнауын пайдалану бойынша 11 келісімшарттың күші жойылды.
Айта кетейік, жер қойнауын пайдаланушылар отандық өндірушілермен ұзақ мерзімді шарттар жасасты.
