Бір көшенің тұрғындары таңдауға барды
Саяси шараға Аранды ауылындағы тұрғындар да белсенділікпен атсалысты.
Ауылдағы өз таңдауын жасауға дайын Н.Қазақбаев көшесінің тұрғындары дауыс беру алаңына бір уақытта барды. Ұлттық киім киген сайлаушылар осылайша ынтымақты көріністі көпке үлгі етті."Береке, қайда барасың?- десе, "бірлігі жарасқан елге барамын", - дейді екен. Өз басым ешқашан сайлаудан тыс қалып көрген емеспін. Аудан үшін айтулы күнде үлкендер жол бастадық. Жастар да мұны жөн көрді. Ел ертеңінің болашағы шешілер сәтте оған біркісідей атсалысу әр адамның азаматтық парызы деп ойлаймын", -деген Әзілхан Махамбетияр игі іске "оң болсын" айтып, ақ бастасын берді. Айта кетерлігі, тұрғындар қатарында ауыл үлкендері - еңбек ардагерлері, алтын құрсақты Батыр ана, қызметкерлер мен жастар да бар.
