Мұратбаевтағы маңызды таңдау
№64 сайлау учаскесінде, Мұратбаев ауылындағы саяси науқан өз деңгейінде өтіп жатыр. Учаскеде алғашқылардың бірі болып дауыс бергендердің қатарында ауылдың абыройлы азаматы, Ардагерлер кеңесінің төрағасы Төлеген Күнділдә болды.– Ел ертеңі – біздің бүгінгі таңдауымызға тікелей байланысты. Ауданымыздың кемел келешегі үшін әрбір азаматтың дауыс беруі маңызды. Сондықтан өзім де бұл науқаннан шет қалмай, ерте келіп, азаматтық борышымды өтедім. Жастарымыздың белсенділігін де жоғары бағалаймын, – деді ол.
Ардагердің бұл қадамы ауыл тұрғындарына үлгі болып, учаскедегі сайлау барысына оң әсерін тигізуде. Учаске төрағасының айтуынша, сайлау жоғары ұйымдасқан түрде, заң талаптарына сай өткізілуде.
